Media

സത്യം പറഞ്ഞാല്‍ ഈ ജന്മം തന്നെ വേണ്ടിയിരുന്നില്ല എന്ന് പോലും ചിന്തിച്ചു പോയി. ദുനിയാവില്‍ പടച്ചോന്‍ എത്ര ആയുസ്സ് തന്നാലും ആ കിട്ടിയ ആയുസ്സിനെ ആസ്വദിക്കുകയല്ലേ വേണ്ടത്.? എന്തൊക്കെ സുഖ സൗഭാഗ്യങ്ങളാണ് റബ്ബ് കനിഞ്ഞരുളിത്തന്നിട്ടുള്ളത്. എന്നിട്ടും അതൊന്നും അനുഭവിക്കാനുള്ള യോഗമില്ലാതെയായിപ്പോയല്ലോ?? ഭാഗ്യംകെട്ട ജന്മം. ആര്‍ക്ക് വേണ്ടിയാണ്, എന്തിനു വേണ്ടിയാണ് റബ്ബേ ഈ ഉരുകിത്തീരല്‍..! ആരെയാണ് ഇനിയും ഞാന്‍ പഴിക്കേണ്ടതെന്നറിയാതെ വിങ്ങി വിങ്ങി കണ്ണീര് ചാലിട്ടൊഴുകാന്‍ തുടങ്ങി. 'ബാപ്പയില്ലാതെ പെരുന്നാളൊന്നും പെരുന്നാള്‍ പോലെയാകുന്നില്ലല്ലോ ബാപ്പാ' എന്ന കുഞ്ഞോന്റെ...

കാന്തപുരം ഉസ്താദുമായി ഖലീജ് ടൈംസ് നടത്തിയ അഭിമുഖത്തിന്റെ പൂര്‍ണരൂപം മതതീവ്രവാദമാണ് ഇന്ന് ലോകം നേരിടുന്ന ഏറ്റവും വലിയ ഭീഷണി, വിദ്യാഭ്യാസം കൊണ്ട് ഇതിനെ നേരിടാന്‍ സാധിക്കുമെന്ന് കരുതുന്നുണ്ടോ? തീര്‍ച്ചയായും. വിദ്യാഭ്യാസം നേടുന്നതിലൂടെയും തൊഴില്‍ ലഭിക്കുന്നതിലൂടെയും തീവ്രവാദത്തെ ഇല്ലായ്മചെയ്യാം. വിദ്യാഭ്യാസംകൊണ്ട് മതതീവ്രവാദത്തെ നേരിടാമെന്ന കാമ്പയിന്‍ ആരംഭിക്കുന്നത് തന്നെ മര്‍ക്കസ് ആണ്. പഠിച്ചിറങ്ങുകയും എന്നാല്‍ തൊഴില്‍ ഒന്നും ലഭിക്കാതെ ഇരിക്കുകയും ചെയ്യുന്ന യുവാക്കള്‍ തീവ്രവാദ സംഘടനകളുടെ ഇരകളായി പലപ്പോഴും മാറുന്നുണ്ട്. ഇന്ത്യയില്‍ പോലും വേണ്ട വിദ്യാഭ്യാസമോ ജോലിയോ ഇല്ലാതെ അത്തരം ചുഴികളില്‍പ്പെട്ടുപോകുന്നവരുണ്ട്....

السلام عليكم സ്നേഹാദരപൂർവ്വം സഹോദരീ സഹോദരൻമാർക്ക്................ റമളാനിന്റെ എല്ലാ അനുഗ്രഹങ്ങളും നമുക്കെല്ലാം നാഥൻ നൽകി അനുഗ്രഹിക്കട്ടെ. വിശുദ്ധ റമളാനിലെ ദുആയിൽ ഉൾപെടുത്തുക. الحمد لله ഇന്ത്യയുടെ വടക്കേ അറ്റത്ത് കാശ്മീരിൽ നമ്മുടെ സ്ഥാപനങ്ങളും ദഅവാപ്രവർത്തനങ്ങളും വളരെ വിജയകരമായി മുന്നോട്ടു പോവുകയാണല്ലോ. 32 മസ്ജിദുകൾ, 24 സ്കൂളുകൾ, മറ്റു നിരവധി ജീവകാരുണ്യ പ്രവർത്തനങ്ങൾ. ഇതെല്ലാമായി ഒരു വലിയ മുന്നേറ്റമാണ് ചുരുങ്ങിയ കാലയളവിൽ നാം സാധിച്ചെടുത്തത്. കാലോചിതമായി മുസ്ലിം ഉമ്മത്തിനെ നയിക്കാൻ പ്രാപ്തരായ പണ്ഡിതരെ വാർത്തെടുക്കുക എന്ന ലക്ഷ്യത്തോടെ പുതുതായി ദഅവാകോളേജും നാം ആരംഭിച്ചിട്ടുണ്ട്. 80 ലധികം മലയാളി ദാഇകൾ...

അമേരിക്കയിലെ മൃഗശാലയില്‍ കുട്ടിയെ രക്ഷപ്പെടുത്താന്‍ വേണ്ടി ഗൊറില്ലയെ വെടിവെച്ചുകൊന്നതിന്റെ വിവാദങ്ങള്‍ സോഷ്യല്‍മീഡിയകളിലും മറ്റും കെട്ടടങ്ങിയിട്ടില്ല. ഗൊറില്ല നിരപരാധിയായിരുന്നുവെന്നും കുട്ടിയുടെ ജീവന്‍ രക്ഷിക്കാന്‍ വേണ്ടി ഗൊറില്ലയെ വെടിവെച്ചു കൊന്ന മൃഗശാലാ അധികൃതരുടെ നടപടി തെറ്റായിരുന്നു എന്നുമാണ് മൃഗസ്‌നേഹികളുടെ വാദം. പാശ്ചാത്യന്‍ മാധ്യമങ്ങള്‍ വരെ ഈ ചര്‍ച്ചയുടെ പുറകിലാണ്. പക്ഷേ, അതിനിടക്ക് മെഡിറ്ററേനിയന്‍ സമുദ്രത്തില്‍ മുങ്ങിമരിച്ച 700 ഓളം അഭയാര്‍ഥികളെ കുറിച്ച് സഹതാപമാര്‍ന്ന ഒരു വാക്ക് പോലും പറയാന്‍ ഈ മാധ്യമങ്ങള്‍ തയ്യാറായി മുന്നോട്ടുവന്നില്ലെന്നതാണ് യാഥാര്‍ഥ്യം. പാശ്ചാത്യര്‍ സൃഷ്ടിച്ച...

രണ്ടു വ്യാജവാര്‍ത്തകള്‍ ഇന്ന് വരെ തിരുത്താന്‍ മാധ്യമം തയ്യാറായിട്ടില്ല.മാധ്യമ നൈതികത എന്നത് മൗദൂദികള്‍ക്ക് , മാധ്യമം വാരികയില്‍ യാസീന്‍ അഷ്‌റഫിന് കോളം എഴുതാനുള്ള വിഷയം മാത്രമാണല്ലോ. ഫേസ്ബുക്കില്‍ വ്യാപകമായി പ്രചരിപ്പിക്കപ്പെട്ട ഒരു വാര്‍ത്തയുണ്ടായിരുന്നു. കാന്തപുരം എ.പി അബൂബക്കര്‍ മുസ്‌ലിയാര്‍ മഞ്ചേശ്വരം മണ്ഡലത്തില്‍ ബി.ജെ.പി സ്ഥാനാര്‍ഥിയെ വിജയിപ്പിക്കുന്ന തരത്തില്‍ ഉടമ്പടികള്‍ ഉണ്ടാക്കിയിട്ടുണ്ട് എന്നും പത്മശ്രീ ലക്ഷത്തോടെയാണതെന്നും എന്നായിരുന്നു വാര്‍ത്ത. കാന്തപുരം എ.പി അബൂബക്കര്‍ മുസ്ലിയാര്‍ക്ക് എതിരെ നിരന്തരം വ്യാജവാര്‍ത്തകളും അവാസ്തവങ്ങളും പ്രച്ചരിപ്പിക്കുന്നവര്‍ക്ക് തേടിയ വള്ളി കാലില്‍ ചുറ്റിയ ആഹ്ലാദമായിരുന്നു...

' വനിതാ സൂഫി ഫോറം......... ' നോക്കൂ ഭാഷ പഠിക്കാത്തത് കൊണ്ട് മാധ്യമക്കാരന് പററിയ മഹാ അമളി...... എല്ലാ വിധ അനാചാരങ്ങളെയും തള്ളിപ്പറഞ്ഞ സമ്മേളനം ഒരു വിവാദവും ബാധിക്കാതെ വന്‍ വിജയമായപ്പോള്‍ നിരാശരായ ശത്രുക്കള്‍ അവസാനം ഒരു വനിതാ പ്രോഗ്രാമിനെ അണിയിച്ചൊരുക്കി സമ്മേളനക്കാരെ ഒതുക്കിക്കളയാമെന്ന് കരുതി . സൂഫിസത്തെ കുറിച്ച് ഇന്ത്യയിലും വിദേശത്തും ഗവേഷണം നടത്തുന്നവരില്‍ പത്രപ്രവര്‍ത്തകരായ സ്ത്രീകളും ഫെമിനിസ്റ്റുകളും ഉണ്ട്. ഇവര്‍ സൂഫിസത്തിന്റെ മേല്‍ വിലാസത്തില്‍ പ്രവര്‍ത്തിച്ച് ഔദ്യോഗിക മാനം കൈ വരുത്താന്‍ ശ്രമിക്കാറുണ്ട് സൂഫിസത്തെ...

സി പി എമ്മിന്റെ ജനകീയാടിത്തറ വിപുലമാക്കാന്‍ ദളിത്, ആദിവാസി, ന്യൂനപക്ഷ, പിന്നാക്ക വിഭാഗങ്ങളുമായി ബന്ധം സുദൃഢമാക്കുമെന്ന് കൊല്‍ക്കത്തയില്‍ ചേര്‍ന്ന പാര്‍ട്ടി പ്ലീനം പ്രഖ്യാപിച്ചിരുന്നു. മതസംഘടനകളോടുള്ള നിലപാട് വിമര്‍ശനാത്മക പരിശോധന നടത്തണമെന്ന് തിരുവനന്തപുരത്ത് നടന്ന ദ്വിദിന പഠന കോണ്‍ഗ്രസില്‍ പി ബി അംഗം എം എ ബേബിയും ഇടതുപക്ഷ നേതൃത്വങ്ങളോട് ആവശ്യപ്പെടുകയുണ്ടായി. വര്‍ഗീയതക്കെതിരായ പോരാട്ടത്തില്‍ മതസംഘടകളുമായും വിശ്വാസികളുമായും സഹകരിക്കുന്ന കാര്യം ഗൗരവമായ ചര്‍ച്ചക്ക് വിധേയമാക്കണെന്നും അദ്ദേഹം ഉണര്‍ത്തി. ഇടതുപക്ഷത്തിന് രാഷ്ട്രീയ സ്വാധീനമുള്ള കേരളത്തിലും ബംഗാളിലും തിരഞ്ഞെടുപ്പ് അടുത്തുവരികയാണ്....

മാധ്യമം പത്രത്തിന്റെ സബ് എഡിറ്റർ വി പി റജീന ഈ അടുത്തായി പഴയ ചില "മദ്രസ്സ ഓർമ്മകൾ" ചികഞ്ഞെടുത്ത് ഫൈസ്ബുക്കിൽ പോസ്റ്റിട്ടുണ്ട്. മസാല നിറച്ച എഴുത്ത് പക്ഷെ ദുഷ്ട ലാക്കോടെ ആണെന്ന് മാത്രം. ഇത് പ്രശ്നം ലൈംഗികതയുടെതാണ്. ഒരു പ്രത്യേഗ മത വിഭാഗത്തിന്റെതല്ല എന്ന് ജമാഅത്തെ ഇസ്ലാമി നേതൃത്വത്തിന്റെ കാമ കേളിയെ കുറിച്ച് ഇവിടെ വന്ന കമന്റുകൾ തെളിയിക്കുന്നു. മദ്രസ അടിസ്ഥാന ജനങ്ങളുടെ എല്ലാ നാട്ടിൻപുറങ്ങളിലും പടര്ന്നു പന്തലിച്ച ഒരു പ്രസ്ഥാനം ആയതു കൊണ്ട് തന്നെ അതിന്റെ...

സംസ്കാരവും ആത്മ ശുദ്ധിയും തീരെ ഇല്ലാത്ത ചില ന്യൂജെൻ പിള്ളാരെ കണ്ണടച്ച് വിശ്വസിക്കുകയും അവരുടെ കയ്യടി കിട്ടി "പുരോഗമന " ചിന്തകരുടെ കൂടെ നില്ക്കാൻ കിട്ടിയ അവസരം മുതലാക്കുന്നഎം എന്‍ കാരശ്ശേരി യെ പോലോത്ത ഏതാനും വ്യക്തികളാണ് കാര്യം ഇത്രയ്ക്ക് വശളാക്കിയത്. കാരശ്ശേരി ചുംബന സമരത്തെ അന്ന് സപ്പോർട്ട് ചെയ്തു പേന ഉന്തിയ വരികൾ " അവര്‍ പുറത്തിറങ്ങട്ടെ. നിങ്ങളുടെ ഈ സ്‌പെയ്‌സ് അവര്‍ ഉപയോഗിക്കട്ടെ. ചുംബിക്കട്ടെ. പ്രതീകാത്മകമായ ഒരു മൂല്യമല്ലാതെ മറ്റൊരു മൂല്യവും ഈ സമരത്തിനില്ല. നിങ്ങള്‍...

ഇറാന്‍ ആണവ വിഷയത്തില്‍ സാധ്യമായ അനുരഞ്ജന കരാറിനെച്ചൊല്ലിയുള്ള തര്‍ക്കവിതര്‍ക്കങ്ങള്‍കൊണ്ട് ശബ്ദമലിനമാണ് ലോക രാഷ്ട്രീയം. അമേരിക്കയില്‍ കരാറിനെതിരെ കൂറ്റന്‍ പ്രകടനങ്ങള്‍ നടക്കുന്നു. ഇറാനെ ശക്തിപ്പെടുത്തുന്ന കരാറാണ് ഇതെന്നും അമേരിക്കന്‍ കോണ്‍ഗ്രസ് കരാറിന് അംഗീകാരം നല്‍കരുതെന്നും പ്രകടനക്കാര്‍ വാദിക്കുന്നു. റിപ്പബ്ലിക്കന്‍ പാര്‍ട്ടിക്കാരാണ് പ്രകടനങ്ങള്‍ സംഘടിപ്പിക്കുന്നതെങ്കിലും ഇസ്‌റാഈല്‍ അനുകൂലികളാണ് പങ്കെടുത്തത് മുഴുവന്‍. എന്നുവെച്ചാല്‍ ഇസ്‌റാഈല്‍ ലോബി ശക്തമായ പ്രവര്‍ത്തനം നടത്തുന്നുണ്ടെന്ന് തന്നെ. യു എസ് കോണ്‍ഗ്രസ് വിയന്ന ധാരണക്ക് പച്ചക്കൊടി കാണിച്ചില്ലെങ്കില്‍ ധാരണയുടെ ഒരു ഭാഗം നടപ്പാകാതെ പോകും. ഇറാനെതിരായ...